Mai Gadin Kabarin Manzon Allah SAW Ya Rasu

Mai gadin kabarin Manzon Allah SAW, Agha Habeeb Muhammad al-Afari, Allah yayi masa rasuwa a yau Laraba.

Agha Habeeb Muhammad Al-Afari ya jima yana fama da jinya.

• Hajjin Bana: Alhazan Nijeriya 42,000 Da Sauran Alhazai Ne Suka Yi Tattaki Zuwa Dutsen Arafat

Ya yi aiki a matsayin babban mai kula da kabarin Annabi Muhammad SAW, tsawon Shekaru sama da 40.

Za’ayi jana’izarsa bayan Magriba a Masallacin Annabi SAW dake Madina, 13 ga watan Yuli, 2022.

Dakin da aka bizne Annabi Muhammad SAW ana kiransa dakin alfarma ko Rawdah Mubarak, kuma wurin ne aka bizne kalifofin Annabi Muhammad SAW na farko da na biyu, Sayyidina Abubakar (RA) da Sayyidina Umar (RA).