Rundunar ‘yansanda sun kama wani mutum mai suna Edeh Tochukwu, mai shekara 31, a karamar hukumar Nkanu ta gabas East da ke jihar Enugu.
An ce ya kashe budurwar tasa mai suna Ijeoma Phyllis, mai shekara 49, ya kuma sace motarta da wayarta da kuma wasu kayayyaki nata.
Wanda ake zargin, ya ce, y agama karatunsa a sashin nazarin aikin jarida a makarantar Federal Polytechnic, da ke jihar Nasarawa yanzu haka kuma yana zaune a Abuja.
“Ya tabbatar da cewa, ya aikata laifin da ake zarginsa da shin a kashe budurwar ta sa, wanda ya ce, ya yi hakan ne sakamakon sabanin da suka samu a tsakaninsu.
“Kamar yadda ya ce, sun dade suna soyayya a tsakaninsu, amma sai daga baya ta juya masa baya, ta nuna cewa sam it aba ta tare da shi, kuma ba za ta iya ci gaba da yin soyayya da shi ba, wannan kuma ta sa ya nuna damuwarsa matuka, wanda kuma har ya yi sanadiyyar faruwar wannan lamari.
An ce sakamakon wannan sabanin da ya shiga tsakaninsu saurayin da wannan budurwa ta sa dangantakarsu ta yi rauni kwarai da gaske.
Binciken da ‘yansanda suka yi sun samu Toyota da, iPhone, da waya da kuma wasu kayayyaki.
A karshe, ‘yansandan sun ce, wanda ake zargin ya roki a yi masa sassauci, kamar yadda ya ce, wannan tsautsayi ne kuma ya zzama darasi a rayuwarsa.
Sai dai kuma da yake an ce mai rai ba ya rasa motsi, duk da hakan dai dole ya fuskanci hukunci kan laifin da ya aikata, domin kare afkuwar hakan ga wasu mutane a wani lokaci.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
