A yau Lahadi ne aka kammala bikin nune-nune na cinikayyar dijital na kasa da kasa karo na biyar, a birnin Hangzhou na lardin Zhejiang dake kasar Sin. Bikin ya hallara sama da kwararrun masu sayayya sama da 50,000, adadin da ya karu da sama da kaso 20 bisa dari idan an kwatanta da wanda ya gabace shi.
A wannan karo na bikin, an gabatar da manyan nasarorin da aka cimma, irinsu “Rahoton ci gaban cinikayyar dijital na kasar Sin na shekarar 2026″, da nune-nunen karon farko na hajoji 226, wadanda suka shafi sassa irinsu tsarin kiwon lafiya na dijital da na sufurin dijital.
Alkaluma sun nuna yadda kwararrun masu sayayya 51,000 suka halarci nune-nunen domin yin sayayya, kana an gudanar da harkokin cinikayya na musamman sama da 50 yayin bikin na wannan lokaci.
Kazalika, darajar yarjejeniyoyin aniyar yin hadin gwiwa masu nasaba da tattalin arzikin dijital da aka kulla, tsakanin bangaren Sin da na kasashen Larabawa ta kai dalar Amurka miliyan 255. (Saminu Alhassan)
