Badakalar Kudade: Kotu Ta Bayar Da Belin Rochas Okorocha Kan Naira Miliyan 500

Wata Kotun Tarayya da ke Abuja ta bayar da belin, Sanata Rochas Okorocha, kan naira miliyan 500 bayan gabatar da mutum daya da zai tsaya masa.

Jaridar Punch ta rawaito Alkalin Kotun, Inyang Ekwo na cewa bada belin zabi ne na kotu, kuma an dage sauraron shari’ar zuwa watan Nuwamba.

Okorocha Ya Musanta Zargin Damfarar N2.9bn, Zai Ci Gaba Da Zama A Hannun EFCC

Sannan a cewar jaridar, alkali Ekwo ya ce wanda zai tsayawa Okorocha a belin dole ya kasance ya na da kadarori a inda ake zaman kotun, kuma dole ya bada jinginar takardun filin nasa.

Sannan alkalin ya bukaci sanatan ya bada fasfo dinsa na tafiya, a kuma sanar da hukumar shige da fice matsayar kotun.

Ya kuma umarci ka da Sanata Rochas ya kuskura ya bar kasar ba tare da izinin kotu ba.

Bada belin tsohon gwamnan da EFCC ta kama kan badakalar naira biliyan 2.9 a lokacin da ya ke kujerar gwamnan, na zuwa ne a rana ta biyu na tantace masu neman takara a inuwar jam’iyyar APC mai mulki.

Tsohon Gwamnan na Imo kuma ɗan Majalisar Dattawa, Sanata Rochas Okorocha, mai shekara 59, na daga cikin masu neman takarar shugaban ƙasa a APC.

Muhammad

+ postsBio

• Muhammad

  Cikin Shekaru 28, Kudiri Ƙasa Da 10 Sanatocin Zamfara Ta Arewa Suka Gabatar A Majalisa – Shinkafi
• Muhammad

  2027: NNPP Ta Yi Wa Korarrun Mambobinta Afuwa, Ta Yi Alƙawarin Basu Tikitin Kai-tsaye
• Muhammad

  Musulunci Na Fuskantar Barazana A Karƙashin Mulkin Tinubu — Datti Baba-Ahmed
• Muhammad

  Kwankwaso Tamkar Tsuntsu Ne A Siyasa Da Yake Sauya Sheƙa Daga Nan Zuwa Can – Ganduje