Ƙungiyar kwallon kafa ta FC Barcelona ta sanar da ɗaukar dan wasan gefe na Ingila, Anthony Gordon, daga Newcastle United kan kwantiragin shekaru biyar wanda zai ci gaba har zuwa shekarar 2031.
Rahotanni sun ce yarjejeniyar ta kai kusan fam miliyan 69, inda Barcelona ta doke wasu manyan kungiyoyin Turai da suka haɗa da Bayern Munich da Chelsea FC wajen neman sa hannun ɗan wasan.
Anthony Gordon ya koma Barcelona ne bayan kakar wasa mai ƙayatarwa da ya yi a Newcastle, inda ya buga wasanni 46 a dukkan gasa tare da zura kwallaye 17. Haka kuma ya yi fice a gasar UEFA Champions League, lamarin da ya ƙara jawo hankalin manyan kungiyoyi a Turai.
Ɗan wasan mai shekaru 25 ya taɓa wakiltar England sau 17, kuma ana sa ran zai taka muhimmiyar rawa a tawagar da Thomas Tuchel ke jagoranta gabanin gasar kofin duniya mai zuwa. Ya bar Newcastle bayan shekaru biyu da rabi da komawarsa daga Everton FC a shekarar 2023.
Discussion about this post