Yayin da duniya ke fuskantar yanayin saurin sauye-sauye irinsa mafi jan hankali a karnin nan, da kuma yanayi na tangal-tangal, da sarkakiyar cudanyar kasa da kasa, ganawar shugabannin Sin da Amurka a birnin Beijing ta ja hankalin sassa daban daban. Bangarorin biyu, sun amince da rungumar tsarin “kafa dangantaka mai dorewa, da amfani bisa manyan tsare-tsare tsakanin kasashen biyu”, a matsayin sabon salon bunkasa alakarsu.
Sakamakon binciken jin ra’ayin jama’a da kafar CGTN ta gudanar ta intanet, ta nuna yadda kaso 71.6 bisa dari na masu bayyana matsaya sun amince cewa sabuwar matsayar Sin da Amurka game da dangantakarsu, za ta ci gaba da ingiza daidaiton burika da aka sanya gaba a duniya mai cike da tangal-tangal, wanda hakan zai zamo muhimmin jigo na cimma daidaiton sassan kasa da kasa.CGTN ta gudanar da binciken ne ta dandalolin harsunan Turanci, da Sifaniyanci, da Faransanci, da Larabci da harshen Rasha, kuma masu bayyana ra’ayoyi 9,618 sun gabatar da mahangarsu cikin sa’o’i 24. (Mai fassara: Saminu Alhassan)
