Cire Tallafin Fetur: Zulum Ya Kaddamar Da Motoci 70 Don Saukaka Zirga-zirgar Al’umma.

Gwamnan jihar Borno, Farfesa Babagana Umara Zulum, ya kaddamar da sabbin motocin bas guda 70 don jigilar jama’a da kuma saukaka zirga-zirgar ma’aikatan gwamnatin jihar zuwa wuraren ayyukansu daban-daban.

Shirin dai, an yi shine domin rage wa jama’a mawuyaciyar rayuwa da cire tallafin man fetur ya jefa su.

• Cire Tallafin Fetur: Zulum Ya Amince Da Ba Ma’aikatan Jihar Borno Rancen Naira Biliyan 2

An gudanar da bikin ne a harabar tashar Borno Express da ke kan hanyar Maiduguri zuwa Kano.

Da yake jawabi, Gwamna Zulum ya bayyana cewa, wannan tallafi kashi na biyu da aka yi kan harkokin sufuri, an yi shi ne don rage radadin da ake fama da shi na cire tallafin man fetur.

Gwamnan ya ci gaba da cewa, motocin bas guda 30 daga cikin 70 za a sadaukar da su ne wajen kai ma’aikatan gwamnati zuwa wuraren aikinsu daban-daban daga karfe 7:00 na safe zuwa karfe 9:00 na safe, da kuma zuwa lokacin dawowa daga karfe 3:00 na rana zuwa karfe 5:00 na yamma a ranakun Litinin zuwa Juma’a.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”