Jami’an rundunar ‘yansandan jihar Ribas a ranar Litinin sun harba tiyagas (barkonon tsohuwa) kan masu zanga-zangar lumana don nuna adawa da abin da suka kira rashin shugabanci nagari a kasar.
Masu zanga-zangar karkashin kungiyar ‘Take It Back’ sun kuma gudanar da zanga-zangar nuna rashin amincewa da ayyana dokar ta-baci a jihar Ribas da kuma yadda ‘yansandan Nijeriya ke amfani da dokar leken asiri ta yanar gizo ba ta yadda ya dace ba.
- Fedpoly Bauchi Ta Sanya Na’urorin Ɗaukan Hoto ‘CCTV’ Don Daƙile Satar Jarabawa Da Inganta Tsaro
- Ya Kamata A Yi Adawa Da Kama Karya A Tabbatar Da Adalci
Sun zargi ‘yansanda da yin amfani da dokar aikata laifuka ta yanar gizo wajen kai hari ga masu fafutukar kare hakkin dan Adam, ‘yan jarida, da masu tasiri a shafukan sada zumunta a kasar.
LEADERSHIP ta lura cewa, rikicin ya fara ne a lokacin da ‘yansandan da suka ajiye motocinsu a kofar filin shakatawa na Isaac Boro da ke Fatakwal, suka umurci masu zanga-zangar da su tarwatse daga wurin taron amma masu zanga-zangar suka ki tarwatsewa daga wurin, inda suka nace cewa, hakkinsu ne da tsarin mulki ya ba su na gudanar da zanga-zangar lumana.
Da yake zantawa da manema labarai bayan faruwar lamarin, shugaban kungiyar ‘Take It Back’ a jihar Ribas, Amaye King Amaye ya ce kungiyar za ta sake haduwa domin ganin an ji koken mutanen Ribas.
ADVERTISEMENT
