Shahararren dan wasan gaba na Real Madrid, Jude Bellingham ya bayyana cewa ya bukaci a bashi riga mail amba biyar a Real Madrid ne saboda mahaifinsa ya gani yana sakawa a lokuta da dama.
Bellingham ya bayyana hakane a hirar da Uefa ta yi da shi a lokacin da ake shirin buga wasa tsakanin Real Madrid da Bayern Munich ranar Laraba a Champions League zagayen dab da karshe.
- Sabon Shirin Auren Zawarawan Kano A Sikeli
- Hadin Gwiwar Sin Da Turai Zai Yaukaka Daidaiton Dangantaka
”A koda yaushe mahaifina yana sa rigar Real Madrid mai dauke da lamba biyar wato wacce Zinedine Zidane ke sakawa kuma na kan tambayeshi, wane dan kwallo ne ke saka rigar, shi kuma ya kan ce min idan na girma zan ga sunansa a manhajar “You Tube”.
Jude Bellingham ya koma Real Madrid kafin fara kakar bana daga Borussia Dortmund, kuma shi ne kan gaba a cin kwallaye a kungiyar a kakar nan saboda ya zura kwallo 18 a La Liga, inda Real Madrid ta lashe kofin bana na 36 jimilla, saura wasa hudu a kammala kakar bana.
Real Madrid ta dauki La Liga na bana da maki 87, yayin da Girona ce ta biyu da maki 74, sai Barcelona mai rike da kofin bara da maki 73 a mataki na ukun teburi a halin yanzu.
Dan kwallon ya saka riga mai lamba 22 a Dortmund, wanda ya fara saka lambar a tsohuwar kungiyarsa ta Birmingham City a kakar wasa ta 2019 zuwa 2020 haka kuma yana saka riga mai lamba 10 a tawagar Ingila, wanda ya saka lamba takwas da 22 da sauransu a baya.
