Doka Za Ta Yi Aiki Kan Dan Chanan Da Ya Kashe Ummita – Ganduje

Gwamnan Jihar Kano, Dr. Abdullahi Umar Ganduje, ya ce doka za ta yi aiki kan dan Chanan da ya kashe Ummukhulthum Sani Buhari.

Gwamnan ya bayyana hakan ne yayin wani jawabi a fadar gwamnatin jihar inda ya ce “A zub da jini, dole maganar shari’ah ta shigo ciki” kuma sai doka ta yi aikinta.

• Wani Dan China Ya Kashe Masoyiyarsa Da Wuka A Kano

Ya ce tuni jami’an ‘yansanda suka cafke mutumin da ake zargi, Mista Geng Quanrong, bayan mutane sun damke shi a gidansu marigayiyar a ranar Juma’a.

Bayanai sun ce lamarin ya faru ne a ranar Juma’a da dare, inda Geng Quanrong dan shekara 47 ya kutsa kai gidansu Ummita a unguwar Kabuga cikin karamar hukumar Gwale.

Rundunar ‘yan sandan jihar Kano ta ce tana ci gaba da gudanar da bincike, inda ta mai da batun zuwa babban sashen binciken manyan laifuka a bangaren kisan kai. BBC Hausa.

Sulaiman

+ postsBio

• Sulaiman

  Fahimtar Cikakken Zaman Kwamitin Tsakiyar JKS
• Sulaiman

  Tsarin Kwalliya Da Adon Manzon Allah (SAW)
• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar