Duk Da Barazanar Amurka, Iran Ta Jaddada Aniyarta Na Cigaba Da Tace Makamashin Nukiliya 

Ministan harkokin wajen Iran, Abbas Araghchi a ranar Lahadi ya tabbatar da cewa, Tehran ba za ta taɓa yin watsi da tace makamashin Nukiliya (uranium) ba a tattaunawar da take yi da Washington, yana mai jaddada cewa, ba za su ji tsoron barazanar yaki da Amurka ba.

Ministan, ya shaida hakan ne a wani taron tattaunawa da manema labarai a Tehran wanda kamfanin dillancin labarai na AFP ya halarta, inda ya kara da cewa, Tehran ba ta da kwarin gwiwar amincewa da Washington.

“Za mu cigaba da tace sinadaran Uranium, duk da barazanar yaki, Domin babu wanda ke da ikon tsara mana rayuwarmu,” in ji Araghchi

“Jiragen yakinsu a yankin ba ya tsorata mu,” in ji shi, yana mai nuni da isowar wani jirgin ruwa mai dakon jiragen yakin sama na Amurka, USS Abraham Lincoln, a Tekun yankin na Arabiya.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”