Girgizar Kasa Ta Kashe Mutum 56 Ta Jikkata Daruruwa A Indonesia

Wata girgizar kasa ta afku a babban tsibirin Java na kasar Indonesiya, akalla mutane 56 ne suka rasu inda daruruwan mutane kuma suka jikkata, kamar yadda hukumomin kasar suka bayyana.

Girgizar kasar mai karfin awo 5.6 ta afku ne a garin Cianjur da ke yammacin Java.

• Adadin Wadanda Suka Mutu Sakamakon Girgizar Kasa Mai Karfin Maki 6.8 Da Ta Afku A Lardin Sichuan Ya Kai 93

Hotunan bidiyo a shafukan sada zumunta sun nuna cewa anga wasu gine-gine sun koma kango da kayayyakin jama’a burjik a kan tituna.

Jami’ain sun yi gargadin cewa, adadin wadanda suka rasa rayukansu na iya karuwa.

Yankin da girgizar kasar ta afku yana da yawan jama’a kuma yankin na fama da zabtarewar kasa, sannan kuma yana da gine-gine marasa inganci.

Gwamnan jihar Java ta Yamma Ridwan Kamil ya tabbatarwa kafafen yada labaran kasar cewa mutane 56 ne suka rasu sannan sama da 700 sun jikkata.

Sulaiman

+ postsBio

• Sulaiman

  Sin Za Ta Inganta Kaddamar Da Aikin Kungiyar Hadin Gwiwar AI Ta Duniya Da Wuri
• Sulaiman

  Sin Ta Yaba Da Matakin Amurka Na Kin Tsawaita Dokar Ta-Baci Dangane Da HK
• Sulaiman

  Xi Ya Gana Da Babban Sakataren MDD Da Firaministocin Thailand Da CambodiaA
• Sulaiman

  Sin Ta Mika Sabuwar Manhajar Gargadin Gaggawa Ta MAZU Ga Djibouti