Gwamnan Zamfara Ya Kai Wa Mangal Ziyarar Ta’aziyya

Gwamnan Jihar Zamfara, Dauda Lawal ya ziyarci Katsina don yin ta’aziyya ga Shugaban Kamfanin Jirgin Max, Alhaji Dahiru Barau Mangal bisa rasuwar matarsa. 

Shahararren ɗan kasuwa, Mangal ya rasa matarsa Aisha ne a ranar asabar ɗin da ta gabata a babban birnin tarayya, Abuja.

• Gwamna Zulum Ya Raba Tallafin Kayan Abinci Ga Magidanta 13,000 A Gwoza

Gwamna Lawal a wata takardar da aka raba wa manema labarai wacce mai magana da yawunsa, Sulaiman Bala Idris ya fitar, ya bayyana marigayiyar a matsayin uwa wacce iyalanta za su yi kewar rashinta.

Haka nan kuma ya yi addu’ar Allah Ya yi wa marigayiyar sakamako da masauki a Aljannah.

“Mun zo ne domin yin jaje da ta’aziyya na wannan gagarumin rashi da aka yi. Muna jajantawa dukkanin iyalai da ‘yan uwa.

“Wannan lokaci ne mai tsanani ga ilahirin iyalan marigayiyar da ma ɗaukacin al’ummar Katsina. Allah Ya ƙarfafeku da juriyar wannan rashi.”

Sulaiman

+ postsBio

• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”
• Sulaiman

  Binciken CGTN: Amfanarwa A Aikace Shi Ne Nagartaccen Ma’aunin Tantance Ainihin Kimar Sabbin Fasahohi
• Sulaiman

  Kasar Sin Na Kara Zama Babban Ginshikin Ci Gaban Tattalin Arzikin Duniya Na Gaba
• Sulaiman

  Tsaro: Dasuki Ya Bukaci Tinubu Ya Gyara Alaka Da Nijar Domin Kare Iyakokin Arewa-Maso-Yamma