Gwamnatin jihar Katsina ta haramta amfani da babura da baburan kasuwanci da dare a fadin kananan hukumomi 19 na jihar a wani mataki na inganta tsaro.
A wata sanarwa da kwamishinan tsaro da harkokin cikin gida, Alhaji Nasiru Mu’azu, ya fitar, ya ce an dakatar da dokar ne daga karfe 8 na dare. zuwa 6 na safe.
- Gwamnatin Katsina Za Ta Horar Da Matasa Domin Taimaka Wa Jami’an Tsaro
- Ana Zargin Gwamnatin Jihar Katsina Da Yin Rufa-Rufa Da Kudaden Ƙananan Hukumomi
Umarnin ya shafi Kananan Hukumomin da ‘Yan fashi da masu aikata sauran laifuffuka suka addaba.
Kananan Hukumomin sun hada da Sabuwa, Dandume, Funtua, Faskari da Bakori.
Sauran su ne; Kankara, Danja, Kafur, Malumfashi, Musawa, Matazu, Danmusa, Safana da Dutsinma.
Haka zalika akwai Kurfi, Charanchi, Jibia, Batsari da Kankia.
Ya kamata jama’a su fahimci cewa manufar wannan umarnin shi ne maido da zaman lafiya na dindindin a yankunan da abin ya shafa,” cewar sanarwar.
