Yadda ake hada Farar Humura:
Kayan hadi:
Garin humra (fari), Mahala, Hawi, Lubban
Misik, Turaren Mena, Turaren Ambar, Madarar turaren Ledus, Madarar turaren Sandal
Yadda ake hadawa:
A jika ko a tafasa garin humra tare da dakakken hawi, mahala, lubban da misik. Bayan haka a bar hadin ya kwana guda.
Washegari sai a zuba turarukan da aka tanada, a gauraya sosai sannan a rufe. Bayan kwana biyu, a sake budewa a kara wasu turare. A ci gaba da ajiyewa har tsawon mako guda. Bayan makon ya cika, sai a tace hadin sannan a zuba a cikin kwalba. Ana amfani da shi wajen shafawa a jiki, kuma yana da kamshi mai dadewa.
Bakar Humura:
Ana hada bakar humra kamar yadda ake hada farar humra. Bambancin kawai shi ne ana iya sauya wasu daga cikin nau’ikan madarar turaren da ake amfani da su gwargwadon yadda mutum yake so.
Kamshin jiki:
Kayan hadi:
Turaren Amarya,Turaren Duro, Garin Sandal, Farce, Turare dan Goma, Itacen Daro
Yadda ake hadawa:
Da farko a wanke farce sosai sannan a shanya ta ta bushe. Bayan ta bushe, a soya ta kadan sannan a daka ta tare da tankade garin.
Sai a hada garin farcen da turaren Amarya, a zuba garin Sandal da garin itacen Daro. Daga nan sai a zuba sauran turarukan sannan a gauraya sosai.
Ana amfani da hadin wajen shafawa a jiki domin yana bada kamshi mai dadi da dadewa.
Ruwan kamshi jiki:
Yadda ake hadawa:
Da farko a zuba lalle a tukunya tare da ruwa, a dafa shi sosai sannan a tace. A ware garin lallen gefe, a mayar da ruwan kan wuta.
A kawo:
Madarar turaren Sandal, Bakhur, Madarar turaren Ledus, Madarar Musik. A zuba su a cikin ruwan sannan a tafasa su tare. Bayan ya huce, a zuba a cikin jarka ko galan. Duk lokacin da aka yi wanka, sai a debo kadan daga cikin hadin a zuba a bokiti tare da ruwa kadan, sannan a dauraye jiki da shi. Ba lallai ne a goge jiki ba; a bar shi ya bushe da kansa domin kamshin ya zauna sosai a jiki.
Discussion about this post