Hukumar kwallon kafa ta kasar Brazil ta dakatar dan wasan gaban Manchester United, Antony, sakamakon zargin cin zarafi,da tsohuwar budurwarsa ta yi masa.
Hukumar kwallon kafar ta Brazil ta ce an cire dan wasan mai shekaru 23 daga cikin tawagar yan wasanta har sai bayan kammala bincike.
- An Rufe Kasuwar Saye Da Sayarwar ‘Yan Wasan Kwallon Kafa Ta Bana A Turai
- Abinda Ya Kamata Ku Sani Dangane Da Wasan Arsenal Da Manchester United
Yan sanda a Sao Paulo da Greater Manchester na gudanar da bincike kan ikirarin, wanda dan wasan ya musanta.
An gabatar da zarge-zargen karya akaina kuma shaidun da aka riga aka samar da sauran shaidun da za a yi sun nuna cewa ba ni da laifi in ji Antony a shafinsa na sada zumunta.
Na yi imanin cewa binciken da ‘yan sanda ke yi zai nuna gaskiya game da rashin laifi na.
Ana zargin Antony da kai wa tsohuwar budurwarsa Gabriela Cavallin hari a wani dakin otal na Manchester a ranar 15 ga watan Janairu.
