Hukumar NDLEA Ta Cafke Miyagun Magunguna Na Naira Miliyan N567m A Legas

Jami’an hukumar yaki da sha da fataucin miyagun kwayoyi ta kasa, NDLEA sun cafke wani tarin kwayar methamphetamine da aka boye a cikin robar garin kwasta.

Jami’an sun cafke kayan ne acikin wasu kayayyaki da za a kai birnin Landan na kasar Birtaniya ta hanyar kamfanin SAHCO da ke jigilar kaya a filin jirgin sama na Murtala Muhammed (MMIA) da ke Ikeja, Legas.

• Yaki Da Miyagun Kwayoyi: Kamfanin LEADERSHIP Da NDLEA Sun Kulla Kawance

A ranar Talatar da ta gabata ne jami’an NDLEA suka gano wannan haramtaccen maganin da nauyinsa ya kai kilo 30.10, da darajarsa a kananan kasuwanni ya kai Naira miliyan N567m.

Kakakin hukumar ta NDLEA, Femi Babafemi, a wata sanarwa da ya fitar a ranar Lahadi, ya bayyana cewa, cikin gaggawa aka kama wadanda ake zargi da hannu kan kokarin fitar da kayan, sune: Nwobodo Chidiebere, Chioma Lucy Akuta da kuma wanda ake zargin shi ne shugabansu, Charles Chinedu Ezeh, wanda aka kama a Sotel Suites, Amuwo Odofin, Legas a ranar Alhamis.

Sulaiman

+ postsBio

• Sulaiman

  Gwamna Sani Ya Kashe Sama Da Naira Biliyan Ɗaya Kan Tallafin Ɗalibai A Kaduna – Kwamishina
• Sulaiman

  Sin Ta Ware Kudi Har Yuan Biliyan 99.9 Domin Tallafawa Kula Da Lafiyar Yara A 2026
• Sulaiman

  Tasirin Nasarar Da Kasar Sin Ta Cimma A Fannin Kakkabe Matsanancin Talauci
• Sulaiman

  Sabbin Ra’ayoyin Ci Gaba: Manufofin Zamani Na Zamanantarwa