Jami’an Tsaro Sun Kubutar Da Mutum Bakwai Daga Hannun ‘Yan Bindiga A Kaduna

Dakarun rundunar ‘Operation Forest Sanity’ sun kubutar da mutane bakwai da aka yi garkuwa da su a hanyar Birnin Gwari-Gayam a wani sintiri da suke yi a kananan hukumomin Birnin Gwari da Chikun na jihar Kaduna.

Kwamishinan ma’aikatar tsaron cikin gida da harkokin cikin gida Samuel Aruwan, a wata sanarwa da ya fitar a ranar Talata, ya bayyana cewa sojojin sun yi batakashi da ‘yan bindigan a lokacin da suke sintiri a hanyar Birnin Gwari-Gyam-Kuriga-Manini na jihar.

• Sojojin Nijeriya Sun Kashe ‘Yan Ta’addan ISWAP Da Dama A YobeSojojin Nijeriya Sun Kashe ‘Yan Ta’addan ISWAP Da Dama A Yobe

Aruwan ya ce sojojin sun fatattaki ‘yan bindigar, inda suka tsere zuwa cikin dazuzzuka suka bar wadanda suka yi garkuwa da su din.

Sanarwar ta ce: “Sojojin sun ceto mutane bakwai da aka sace, wadanda aka bayyana sunayensu kamar haka: Joseph Ishaku, John Bulus, Gloria Shedrack (da ‘ya’yanta hudu): Jimre Shedrack, Jonathan Shedrack, Angelina Shedrack, Abigail Shedrack.”

Ya bayyana cewa gwamnatin jihar Kaduna ta yabawa sojojin tare da gode musu bisa jajircewar da suka yi wajen ceto wadanda lamarin ya rutsa da su.

Aruwan ya kara da cewa, mutanen bakwai da abin ya shafa sun koma duk wurin iyalansu.

Sulaiman

+ postsBio

• Sulaiman

  Tsaro: Dasuki Ya Bukaci Tinubu Ya Gyara Alaka Da Nijar Domin Kare Iyakokin Arewa-Maso-Yamma
• Sulaiman

  Sin Ta Gabatar Da Tsarin Karfafa Kwarin Gwiwar Kamfanoni Masu Jarin Waje
• Sulaiman

  Shugaban Kasar Burundi: Dangantakar Afirka Da Sin Misali Ce Ta Hadin Gwiwar Kasashe Masu Tasowa
• Sulaiman

  Zargin Ɓata Suna: Kwankwaso Ya Yi Barazanar Neman Diyyar Naira Biliyan 10 Kan Wani Malamin Coci