Kotu Ta Kori Sanatan Taraba Daga Kujerarsa Saboda Sauya Sheka Zuwa APC 

Wata babbar kotun tarayya da ke zamanta a Jalingo a Jihar Taraba, ta kori Sanata Emmanuel Bwacha daga kujerarsa ta majalisar dokoki, bisa zargin ficewa daga jam’iyyar PDP zuwa jam’iyyar APC. 

Bwacha shi ne Sanata mai wakiltar Taraba ta Kudu a majalisar dokokin kasar nan.

• Halartar Manyan Kamfanonin Kasa Da Kasa A Fannin Chips Bikin CIIE Ta Nuna Aniyarsu Ta Rungumar Kasuwar Kasar Sin
• 2023: APC Ta Yi Sa’a Tinubu Ne Zai Lashe Zaben Shugaban Kasa – Buhari 

Jam’iyyar PDP a Jihar Taraba tun bayan ficewar Bwacha daga jam’iyyar zuwa APC ta garzaya kotu domin bayyana kujerar Sanatan a matsayin wanda ba kowa a cikinta saboda ficewa daga jam’iyyar da aka zabe shi.

Mai shari’a Simon Amobeda a hukuncin da ya yanke ya umarci Sanata Bwacha da ya gaggauta barin kujerarsa a majalisar dattawa.