Kotun Daukaka Kara Ta Tabbatar Da Zaben Tambuwal Da Wamakko A Matsayin Sanatoci

Sanata Ibrahim Danbaba ya kalubalanci zaben Tambuwal, wanda tsohon Gwamnan Jihar Sakkwato ne a matsayin Sanata, yayin da kuma tsohon mataimakin gwamnan jihar, Manir Dan’iya ya kalubalanci zaben Wamakko a matsayin Sanata.

Alkalan mutum uku karkashin jagorancin Mai shari’a Mustapha Muhammad a wasu hukunce-hukunce guda biyu, sun yi watsi da karar da Danbaba ya shigar a kan Tambuwal tare sanya shi ya biya PDP da Tambuwal tarar Naira 500,000.

• An Kama Ma’auratan Da Suka Sayi Jaririn Wata 1 A Kan 30,000
• Kwamitin Tsaron MDD Ya Kada Kuri’a Kan Tsagaita Wuta A Gaza

Kotun ta kuma yi watsi da karar da aka shigar a madadin tsohon mataimakin gwamnan, Manir Dan’iya kan tsohon gwamnan kuma Sanata mai wakiltar Sakkwato ta Arewa, Aliyu Wamakko.