Kamfanin LEADERSHIP ya samu nasarar kaddamar da mujallar golf na farko a Nijeriya, wanda ta sa wa suna “LEADERSHIP Golf Digest.”
Mujallar za ta dunga fitowa ne a duk wata, wanda za a fara bugawa daga watan Janairun 2023. An dai tsara mujallar LEADERSHIP Golf Digest za ta fito ne duk wata domin samun damar dacewar shahararren masanin rubutun golf a Nijeriya, Tony Akhigbe da taimakon masana golf.
- INEC Za Ta Dauki Hayar Motocin Sufuri 100,000 Da Jiragen Ruwa 4,200 Don Raba Kayan Zabe – Yakubu
- Kungiyoyin Cinikayya Na Sin Sun Tafi Waje Don Neman Jari
A cewar kamfanin, mujallar za ta dunga zuwa da dauke da labarai masu kayatar da masu karatu, musamman ma masu sha’awar wasan golf tare da kokarin kawo rahotanni da suke faruwa a fadin kasar nan.
“Mujallar za ta dunga zagayawa wasu kebabbun kulob-kulon na kasashen ketare, manyan otal-otel, ma’aikatun gwamnatin tarayya, dakunan karatu, filayen jirgin sama da ke fadin kasar nan da kuma sauran wurare.
“Mujallar za ta dunga samar da sabon abubuwa game da wannan wasa wanda za ta kasance abin hawa na tuka wasan golf a zukatan masoya kwallon golf a duniya,” in ji Akhigbe.
