Ma’aikatar kasuwanci ta Sin ta bayyana ranar Alhamis cewa, a shekara ta 2026, za ta gudanar da bukukuwa fiye da 100 na shirin “Fitar da kayayyaki zuwa kasar Sin”, domin bayyanawa da tallata ingantattun kayayyaki daga kasashe daban-daban ga kamfanoni da masu sayayya na Sin, tare da samar wa kamfanonin duniya hanyoyin da suka dace na fadada cinikin fitar da kayayyakinsu zuwa Sin.
A ranekun 7 zuwa 11 ga Yuni, ma’aikatar kasuwancin ta kasar Sin za ta gudanar da bukukuwa na “Fitar da kayayyaki zuwa kasar Sin” a Belarus da Jamus daya bayan daya. Bikin da za a yi a Belarus zai zama na farko cikin jerin bukukuwa na wannan shiri, yayin da bikin da za a gudanar a Jamus zai kasance na farko a yankin Tarayyar Turai (EU).
Ana gayyatar kamfanoni daga kowace kasa da su shiga cikin jerin bukukuwa, su ci gaba da zuwa Sin domin halartar manyan bukukuwan baje kolin ciki hadda CIIE, kuma su yi amfani da hanyoyin da Sin ta samar don fadada fitar da kayayyaki zuwa kasar, don cimma nasara da moriyar dukkan bangarori tare. (Amina Xu)
