Mai Magana Da Yawun Ma’aikatar Wajen Sin Ya Amsa Tambayoyi Game Da Fasahar AI

A yau Asabar, mai magana da yawun ma’aikatar harkokin wajen kasar Sin ya amsa tambayoyi game da batun fasahar kirkirarriyar basira ta AI.

Bangaren Amurka ya yi amfani da sunan “fasahar matukar kaifin basira” maimakon “fasahar kirkirarriyar basira” a yayin da ake bayanin sakamakon ziyarar. A amsar da ya bayar, mai magana da yawun ya bayyana cewa, shugabannin kasashen Sin da Amurka sun yi tattaunawa mai zurfi game da fasahar kirkirarriyar basira a lokacin ganawarsu.

Dangane da batun sunan da za a kira fasahar AI da shi kuma, kasar Sin tana muhimmanta matsayin Amurka kuma tana girmama sunan da Amurka ta lakaba. A yayin da fasahar AI ke ci gaba da habaka, bisa la’akari da ci gaba na baya-bayan nan da aka samu, dukkan sassan za su iya bunkasa musaya, da tattaunawa mai zurfi da kuma neman cimma daidaito. (Abdulrazaq Yahuza Jere)