Maiyaki Na Masarautar Kupa A Kogi Ya Rasu

Maiyaki (Estu) na Kupa, Alhaji Mohammadu Kabir Isah (II), sarkin Kupa ya rasu bayan ya kwashe sama da shekaru 42 akan karagar mulki.

Ya rasu ne a wani asibiti mai zaman kansa da ke Bida, babban birnin jihar Neja ranar Lahadi.

• Zargin Tayar Da Tarzoma: An Damke Sarakuna Masu Daraja Ta Daya A Kogi

Marigayi sarki ya zama sarkin gargajiya na kasar Kupa a ranar 2 ga Oktoba, 1979.

Har zuwa rasuwarsa, ya kasance mataimakin shugaban majalisar gargajiya ta Lokoja kuma mai Sanya ido da lura kan al’adun kasar Kupa.

Marigayin, sarki ne da ake girmamawa matuka a kasar Nufawa kuma babban mashawarci ne ga Sarkin Bida, Etsu Nupe.

Sarki Alhaji Muhammadu Kabiru Issa (II) yana cikin sarakunan gargajiya da aka daga darajarsu zuwa matakin farko shekaru uku da suka gabata.

Ya rasu ya bar mata da ‘ya’ya da jikoki da tattaba-kunne. Daga cikinsu akwai Ambasada Adamu Isa da Dauda Kabir Isa, masanin kimiyyar harhada magunguna; Malam Umar Kabir Isa, Hauwa Isa, Hajara Isa da Malam Abdulmalik Suleiman.

An yi jana’izarsa a garin Abugi Kupa da ke karamar hukumar Lokoja kamar yadda addinin Musulunci ya tanada.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu