Malam Isa Gusau, Jami’in Yaɗa Labarai Na Gwamna Zulum Ya Rasu

Mataimaki na musamman na Gwamnan Jihar Borno a harkokin yada labarai Mallam Isa Gusau ya rasu.

Marigayin kwararren Dan jarida ne, ya rasu da yammacin ranar Alhamis a birnin Landan, inda yake jinyar rashin lafiya.

• Zulum Ya Bayar Da Umarni A Binciki Gawar ‘Yar Dan Majalisa Da Aka Kashe A Jihar Borno
• Cire Tallafin Fetur: Zulum Ya Amince Da Ba Ma’aikatan Jihar Borno Rancen Naira Biliyan 2

Gusau ya fara aiki a matsayin mai taimaka wa gwamna a kafafen yada labarai a Jihar Borno tun lokacin, Sanata Kashim Shettima, yana gwamnan jihar wanda a yanzu shi ne Mataimakin Shugaban Nijeriya.

Bayan wa’adin Gwamna Shettima ya kare, a zangon farkon na Gwamna mai ci Babagana Umara Zulum ya sake nada shi a shekarar 2019, inda ya rike mukamin har zuwa rasuwarsa a ranar Alhamis.

Marigayin tsohon ma’aikaci ne da ya taba aiki da Jaridar Daily Trust a jihar Borno kafin a nada shi mataimakin tsohon Gwamna Shettima a fannin yada labarai.