Na Yi Mamakin Rashin Nasara A Hannun Arsenal -Xavi

Kocin kungiyar kwallon kafa ta Barcelona, Xavi Hernandez ya bayyana rashin nasarar da kungiyar ta yi a hannun Arsenal a matsayin abin mamaki.

“Wasa ne mai kyau ga magoya baya amma ba ga masu horarwa ba,” in ji shi.

• Dalilin Da Ya Sa Tinubu Bai Bawa Kano Mukamin Minista Ba
• DSS Ta Gayyaci Tsohon Minista, Hadi Sirika

“Zan iya cewa Arsenal sun yi nisa sosai a shirye-shiryensu na tunkarar gasar badi kuma wannan abin alfahari ne.

“Na fada wa Mikel Arteta a karshen wasan, cewa sun buga wasa kamar wasan gasar zakarun Turai saboda kuzarin da suka sanya a ciki.

“Wannan kawai sada zumunci ne, amma na fahimci kowa yana son yin nasara.”

Kungiyar da Xavi ke jagoranta Barcelona ta yi rashin nasara da ci 5-3 a wasan da Lewondowski, Raphinha da kuma Ferran Torres suka zura kwallaye.