Babban hafsan sojin sama na Nijeriya, Air Marshal Hasan Bala Abubakar, a wani bangare na kokarin inganta ayyukan rundunar sojojin saman Nijeriya (NAF), ya jagoranci wata babbar tawaga zuwa kasar Amurka domin gudanar da wani taron nazari kan sayan jiragen yaki masu saukar ungulu 12 na AH-1Z Viper.
A wata sanarwa da mai magana da yawun NAF, Air Cadre Ehimen Ejodame, ya fitar, ya ce taron, wanda ya hada da manyan jami’ai daga gwamnatin Amurka da wakilan Messrs Bell Textron, masu kera jirage masu saukar ungulu na AH-1Z, an gudanar da shi ne daga 9 zuwa 13 ga watan Yunin 2025 a San Diego, California.
- NiMet Ta Yi Hasashen Tsawa Da Ruwan Sama Na Tsawon Kwanaki A Arewa
- Babban Hafsan Soji Ya Ƙalubalanci Sabbin Sojoji Da Su Shirya Yaƙi Da ‘Yan Ta’adda
Air Marshal Abubakar ya nuna matukar godiya ga gwamnatin Amurka bisa jajircewa da dorewar kawancen da ta ke yi.
Ya ce, “Muna matukar godiya ga gwamnatin Amurka saboda dorewar kawancen dabarun hadin gwiwa da Nijeriya.”
Ya kara da cewa, sayan jirage masu saukar ungulu na AH-1Z Viper zai kara inganta yakin da NAF ke yi, da kwazon aiki.
