NNPCL Ta Rufe Matatar Mai Ta Fatakwal

Kamfanin mai na Nijeriya (NNPCL) ya sanar da rufe matatar mai ta Fatakwal (PHRC) don gudanar da gyare-gyare da kimanta ingancin aiki, wanda zai fara a ranar 24 ga Mayu, 2025.

A wata sanarwa da babban Jami’in sadarwa na NNPCL, Femi Soneye, ya fitar a yau Asabar, ya bayyana cewa wannan shiri ne na yau da kullum don tabbatar da inganci aikin gidan matatar.

• Matatar Dangote Ta Sake Rage Farashin Man Fetur
• Bayan Fara Aikin Matatar Mai Ta Fatakwal, Sai Kuma Me?

NNPCL ta bayyana cewa tana aiki tare da hukumomi kamar hukumar kula da albarkatun Mai ta tsakiya da kuma kasa (NMDPRA) don tabbatar da ingancin aikin gyara.