A lokacin hunturu na shekarar bara, an yi dusar kankara mai matukar tsanani a jihar Texas ta kasar Amurka. Lamarin da ya haddasa injunan samar da kananan na’urorin lantarki suka gaza aiki yadda ya kamata. Tasirin batun ma ya ratsa tekun Fasifik har ya isa birnin Shanghai da ke gabashin kasar Sin, wato farashin wani nau’in wayar salula ya karu da kaso 18 bisa dari. Lamarin da yake damun masu sayayya na kasar sosai.
Bari mu waiwayi dukkan matakai na wannan batu. Da farko, yanayin matsanancin sanyi ya haddasa matsalar dakatar da samar da kananan na’urorin lantarki, lamarin kuwa da ya haddasa katsewar tsarin samar da kayayyaki. Daga baya kuma ana fuskantar karancin kananan na’urorin lantarki a duk fadin duniya, sakamakon haka, farashin wayar salula ya karu, masu sayayya kuwa sun dandana kudarsu.
Batun ya shaida cewa, masana’antun zamani na shafar sassa daban daban, duniya kuwa na da kaddara iri daya. Ko bisa karamar wayar salula da ke hannu, za a iya gano alakar kasa da kasa ta fuskar samar da kayayyaki. Gaskiya a wannan duniya mai dunkulewa, ba za a samu farfadowa ba har sai an samu hadin kai sosai. (Kande Gao)
Discussion about this post