Rashin Tsaro: Babu Wata Barazana Da Za Ta Hana Gudanar Da Zaben 2023 —Gwamnatin Tarayya

Gwamnatin tarayya ta ce babu wata barazana ga zaben 2023, inda ta tabbatar da cewa zabukan da ke tafe za a yi su kamar yadda aka tsara.

LEADERSHIP ta ruwaito cewa a ranar Litinin din da ta gabata ne Hukumar zabe Mai Zaman Kanta ta Kasa (INEC) ta yi gargadin cewa, babban zaben shekarar 2023 da ya rage saura kasa da watanni biyu na fuskantar babbar barazanar sokewa idan har tabarbarewar tsaro da ya addabi sassan kasar nan basu inganta ba.

• 2023: INEC Ta Musanta Sake Fitar Da Sunayen ‘Yan Takara

Wannan tabbacin da gwamnatin tarayya ta bayar, ya biyo bayan kuken da Hukumar Zaben ta yi.

Ministan yada labarai da al’adu, Alhaji Lai Mohammed, wanda ya tabbatar wa ‘yan Nijeriya a wani taro na bayyana ayyukan kasa da Shugaba Buhari ya kaddamar karo na 17 ya ce hukumar zabe na hada kai da jami’an tsaro domin ganin an gudanar da zaben cikin tsaro.

Da yake karin haske, ya ce hukumomin tsaro sun kuma ci gaba da baiwa ‘yan Nijeriya tabbacin cewa suna bakin kokarinsu wajen ganin an gudanar da zaben cikin kwanciyar hankali.

Sulaiman

+ postsBio

• Sulaiman

  Sakamakon Binciken Masana Na Kasar Da Ake Fitarwa Kyauta Yana Kara Jan Hankalin Duniya
• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu