Da sunan Allah mai Rahama mai Jin Æ™aai. Yabo da godiya da kirari da girmamawa sun tabbata ga Allah Shi kaÉ—ai. Yabon Allah da amincinsa su Æ™ara tabbata ga fiyayyen halitta, shugaban na farko da na Æ™arshe tare alayensa da sahabbansa baki É—aya.Â
Bayan haka;
wannan rubutu ya ƙunshi bayani akan sallar idi a bisa fahimtar Mazhabar Malikiyya. Ga bayanin kamar haka:
- Layya Babbar Ibada: Yadda Ake Gudanar Da Ita Da Matsayinta A Musulunci
- Layya Babbar Ibada A Musulunci Na 1
1. Sallar idi sunna ce mai ƙarfi ta wajibi.
2. Liman da mamu za su tafi filin idi bayan rana ta fito domin suna isa filin idi hantsi ya yi sai a yi salla.
3. Ana yin sallar idi a filin idi ba a masallaci ba sai dai idan akwai lalura, to za a iya yi a masallaci, haka nan waÉ—anda suke a garin Makka za su yi ta ne a Harami.
4. Mustahabbi ne mutum ya yi wanka domin sallar idi.
5. Mustahabbi ne idan an yi wankan a tafi masallaci ba tare da É“ata lokaci ba.
6. Mustahabbi ne a yi ado a sanya turare da sababbin tufafi ga wanda yake da iko.
7. Za a tafi filin idi ana kabarbari a bayyane har a je filin idi, idan an je ba a yin nafila za a zauna a ci kaba da kabarbari har liman ya ƙaraso, sai a tsaya da kabarbari. Idan liman yana kabarbari , nan ma mamu za su yi kabarbari idan liman ya yi.
TAMBIHI: Kabarbari aka fi buÆ™ata sama da wazi kafin liman ya zo, don Allah a bar al’umma su raya kabarbarbari a wurin idi.
8. Sallar idi raka’a biyu ce, kuma ana yin karatu a bayya ne, a raka’a ta farko ana yin kabbara bakwai har da kabbarar harama sai liman ya fara karatu, a ta biyu kuma kabbara shida har da ta mikewa. Ana karanta Fatiha da Sabbi a rakar farko a ta biyu kuma Hal’ataka ko kuma makamantansu.
9. Idan mutum bai riski wani abu tare da liman da bai aka’a ba, to, zai yi kabbara bakwai a raka’a ta farko kafin ya yi karatu, kuma zai kabbara shida a raka’a ta biyu kafin ya fara karatu kamar yadda liman ya yi.
10. Ba a yin nafila bayan an gama sallar idi.
11. Liman zai yi huÉ—uba guda biyu kuma zai zauna a tsakaninsu kuma ana so ya yawaita kabarbari a huÉ—ubarsa.
12. Ana so a yi sallar layya da wuri akan ta sallar azubi, domin ana so a ci abinci kafin a tafi karamar salla, ita kuma ta layya sai bayan an dawo.
13. Kabarbari da ake so a yi, laffuzansu suna da yawa kuma za a iya yin kowanne, daga ciki akwai: Allahu Akbar Allahu Akbar La’ilaha illallahu Allahu Akbar Allahu Akbar Walillahil Hamdu.
14. Ana so a rinƙa kabarbari a bayan kowacce salla ya farilla sau uku bayan salla da kwana uku, kuma ana so a yawaita zikiri a cikinsu.
15. Mustahabbi ne ga mata da yara idan ba za su je sallar idi ba, to su yi wanka da ado da sanya sababbun kaya idan da hali.
16. Mata su guji caba ado da sanya turare idan za su idi saboda gudun fitina.
17. Makruhi ne mutum ya Æ™i yin ado da kwalliyya da gayu a ranar idi wai don gudun duniya, idan kuma ya Æ™i yi da sunan addini, to ya zama É—an bidi’a.
18. Yara da mata za su iya yin wasanni a ranakun idi.
19. Mustahabbi ne mutum ya sabunta hanya wajen dawo gida, watau ya sauya hanya.
Allah ya karɓa mana ibadunmu ya gafarta mana. Amin.
Nuhu Ubale Ibrahim
Abu Razina Paki
Zul-hijja 9,1444H
