Shugabancin APC: Ganduje Ya Samu Goyon Baya Daga Tsoffin Gwamnonin Jam’iyyar

A wani yunkuri na nuna shirinsa da bajintarsa na zama shugaban jam’iyyar APC na kasa, tsohon gwamnan Kano, Dakta Abdullahi Umar Ganduje ya ziyarci wasu tsoffin gwamnonin APC. 

Tsoffin gwamnonin sun hada da Muhammad Bello Matawalle, tsohon gwamnan jihar Zamfara; Mallam Nasir Elrufa’i, tsohon gwamnan jihar Kaduna; Simon Lalong, tsohon gwamnan jihar Filato; da Abubakar sani Bello, tsohon gwamnan jihar Neja.

• Tunanin Mika Wa Ganduje Shugabancin Jam’iyyar APC, Kunar Bakin Wake Ce – Mataimakin Shugaban Jam’iyyar 

Dakta Abdullahi Umar Ganduje ya sake nuna cewa, shi dan jam’iyya ne, wanda ke aiki ba dare ba rana don ganin Jam’iyyar APC ta kai ga Nasarori.

A wani zama da shugabannin jam’iyyar APC na jihohin Arewa maso yamma da suka hada da Kaduna, Katsina, Sokoto, Zamfara, Kebbi da Jigawa suka yi a jihar Kaduna a ranar Litinin 25 ga watan Yulin 2023, sun rattaba hannu kan goyon bayansu ga Ganduje a matsayin shugaban jam’iyyar APC na kasa.

Shugabannin jam’iyyar, sun ce, sun yanke hukuncin goyon bayan Ganduje ne bisa la’akari da rawar da ya taka wurin wayar wa al’ummar Arewa sanin muhimmancin dan takarar da ta tsayar a zaben da ya gabata, wanda hakan ya kai Jam’iyyar ga  Nasara.

Sulaiman

+ postsBio

• Sulaiman

  Fahimtar Cikakken Zaman Kwamitin Tsakiyar JKS
• Sulaiman

  Tsarin Kwalliya Da Adon Manzon Allah (SAW)
• Sulaiman

  Babban Jami’in Diflomasiyya Na Kasar Sin Ya Gana Da Takwaransa Na Jamhuriyyar Congo
• Sulaiman

  Gwamna Dauda Lawal Ya Rantsar Da Manyan Sakatarori Biyar