Shugabancin Majalisa Ta 10: Katsalandan Din Gwamnati Ya Janyo Turka-Turka –  Hon. Bello

Tsohon dan majalisar wakilai mai wakiltar mazabar Igabi ta tarayya daga jihar Kaduna Hon. Ibrahim Bello Rigachikun ya bayyana cewa, katsalandan din bangaren gwamnatin tarayya ne ya janyo turka-turkar da ke faruwa wajen neman shugabanci majalisun tarayyar ta 10 a kasar nan. 

Bello, a hirarsa da LEADERSHIP Hausa a Kaduna ya ce, idan kaji ‘yan majalisa na yin korafi, mussaman akan abinda ya shafi tafiyar da harkokin majalisa, to babu shakka, bangaren zartwar ne suka yiwa musu katsalandan.

• Xi Ya Aike Da Wasikar Taya Murna Ga Bikin Cika Shekaru 100 Da Kafa Kungiyar Kula Da Masu Bukata Ta Musamman Ta Duniya

Ya yi nuni da cewa, ba a yiwa ‘yan majalisa katsalandan, sai dai lallashi da roko a tsakanin ‘yan majalisa a wajen majalisar.

Bello ya ce, misali a majalisar wakilai ‘yan majalisar ne za su zabo wanda suke son ya shugabance su, har azo ayi zaben.