Sojoji Sun Dakile Harin ‘Yan Ta’adda, Sun Kashe Biyu A Kaduna

Sojoji sun dakile wani hari da ‘yan bindiga suka kai musu, yayin da suka kashe ‘yan ta’addan biyu a ranar Lahadi, a garin Kankomi da ke karamar hukumar Chikun ta jihar Kaduna.

A wata sanarwa da kwamishinan ma’aikatar tsaron cikin gida da harkokin cikin gida Samuel Aruwan ya fitar, ya bayyana cewa sauran ‘yan ta’addan sun tsere da raunukan harbin bindiga.

• Jami’an Tsaro Sun Kashe Kasurgumin Dan Bindiga, Dogo Maikasuwa A Kaduna 

Sanarwar ta ci gaba da cewa, sojojin sun samu nasarar kwato bindiga kirar AK-47 guda daya, kwarbasar alburusai bakwai, harsashi da dama da gurneti wanda aka hada da hannu guda biyar daga hannun ‘yan ta’addan.

Aruwan ya ce, yayin da aka bi sahin ‘yan bindigan wajen tserewa, sojojin sun gano gawarwakin mutane uku, bisa dukkan alamu ‘yan bindigar ne suka kashe su yayin da suke guduwa.

Sulaiman

+ postsBio

• Sulaiman

  Tsaro: Dasuki Ya Bukaci Tinubu Ya Gyara Alaka Da Nijar Domin Kare Iyakokin Arewa-Maso-Yamma
• Sulaiman

  Sin Ta Gabatar Da Tsarin Karfafa Kwarin Gwiwar Kamfanoni Masu Jarin Waje
• Sulaiman

  Shugaban Kasar Burundi: Dangantakar Afirka Da Sin Misali Ce Ta Hadin Gwiwar Kasashe Masu Tasowa
• Sulaiman

  Zargin Ɓata Suna: Kwankwaso Ya Yi Barazanar Neman Diyyar Naira Biliyan 10 Kan Wani Malamin Coci