Tinubu Ya Rantsar Da Akume A Matsayin Sakataren Gwamnatin Tarayya

Shugaban kasa Bola Tinubu ya rantsar da Sanata George Akume a matsayin sabon sakataren gwamnatin tarayya a fadar shugaban kasa da ke Abuja.

Taron wanda ya kunshi manyan baki da suka hada da wasu masu rike da madafun iko da kuma tsoffin gwamnoni, sun halarcti rantsar Sanata Akume da misalin karfe 11:06 na safiyar ranar Laraba.

• Xi Jinping: Ana Kokarin Yaki Da Yaduwar Hamada A Sin Don Bude Sabon Babi
• Kotu Ta Tura Magidanci Gidan Yari Kan Yi Wa Makocinsa Barazana A Kano

Cikin wadanda suka halarci bikin akwai mataimakin shugaban kasa Kashim Shettima; Shugaban Majalisar Dattawa Ahmed Lawan; Gwamna AbdulRahman AbdulRazaq na Jihar Kwara.

Sauran sun hada da shugaban ma’aikatan gwamnatin tarayya, Dokta Folasade Yemi-Esan da matar sabon sakataren gwamnatin tarayya, Misis Regina Akume.