Tawagar yan wasan Nijeriya ta ‘yan kasa da shekaru 20 ta fice daga wasannin Afrika na matasa da ake yi yanzu haka a kasar Ghana, Nijeriyar ta fice ne bayan rashin nasara da ta yi da ci 3-2 a wasan da ta buga da kasar Senegal.
Matasan wadanda Ladan Bosso yake jagoranta, sun sha kaye a hannun kasashen Uganda da Senegal, inda suka doke kasar Sudan Ta Kudu a rukunin ‘B’ na gasar.
A wasan da suka buga a daren jiya, Nijeriya ta yi rashin nasara da ci 3-2 a hannun Senegal, wanda yasa ta koma ta uku a rukunin ‘B’ wanda ke kunshe da kasashen Senegal da Uganda da Nijeriya da Sudan Ta Kudu.
ADVERTISEMENT
