Wike Ya Amince Da Kashe Biliyan 1 Don Taimakon Wadanda Ambaliyar Ruwa Ta Shafa

Gwamnan Jihar Ribas, Nyesom Ezenwo Wike, ya amince da kashe Naira biliyan 1 a wani mataki na daukar matakan gaggawa don tallafawa wadanda ambaliyar ruwa ta shafa, musamman a kananan hukumomin Ahoada West da Ogba/Egbema/Ndoni na jihar.

Gwamnan wanda ya jajanta wa wadanda ambaliyar ta shafa, ya kuma kafa wani kwamiti da zai gudanar da aikin raba kayan agajin ga al’ummomin da abin ya shafa a jihar.

• Akwai Yiwuwar Afkuwar Wata Sabuwar Ambaliyar Ruwa A Wasu Jihohi – NiMet

Wike, a wata sanarwa da ya fitar a Fatakwal ta hanyar mai taimaka masa kan yada labarai, Kelvin Ebiri, a ranar Laraba, ya ce an amince da kashe kudaden ne domin baiwa iyalai marasa galihu a kananan hukumomin biyu, wadanda su ne yankunan da lamarin ya fi shafa a jihar, wacce ta mamaye gidaje da filayen noma tare da tilastawa mazauna al’ummomin da abin ya shafa kaura zuwa wasu wurare.

Ya ce, babban sakatare na hukumar ayyuka na musamman (SSB) a ofishin sakataren gwamnatin jihar Ribas, Dokta George Nwaeke, zai yi aiki a matsayin shugaban kwamitin, yayin da Misis Inime I. Aguma, ita ce Sakatariya.

Sauran mambobin kwamitin sun hada da, Shugaban karamar hukumar Ahoada ta Yamma, Hon. Fata Ikiriko; Shugaban karamar hukumar Ogba/Egbema/Ndoni, Hon. Vincent Ayuba; Hon. Onowu Emeka Anyasodike da Daraktan gudanarwa a ma’aikatar ayyuka na musamman.

Dukkan mambobin kwamitin zasu hallara a gidan gwamnatin dake Fatakwal a ranar Alhamis.

Sulaiman

+ postsBio

• Sulaiman

  Pew: Sin Ta fi Amurka Samun Amincewar Al’ummun Duniya
• Sulaiman

  Sin Ta Fitar Da Tsarin Sanya Ido Don Inganta Muhalli Da Muhallin Halittu Na Shekarar 2026 Zuwa 2030
• Sulaiman

  Nazari Game Da Damammakin Da Sin Ta Samar Cikin Rahoton Ci Gaban Tattalin Arzikinta Na Rabin Farkon Shekara
• Sulaiman

  Gwamna Bala Ya Rushe Kwamitin Gudanarwar Wikki Tourists Bayan Rashin Nasararta A Gasar NPFL