A yau shafin na mu zai koya mana yadda ake Miyar Karkashi
Miyar karkashi na day daga cikin fitattun girke-girken gargajiyar Hausawa, Miya ce mai dandano da kamshi, wadda ake ci da tuwon masara, tuwon dawa, tuwon gero ko kuma tuwon shinkafa.
Abubuwan da ake bukata:
Nama, Ganyen karkashi da aka busar, aka nika, Albasa guda biyu, Tattasai, Attarugu,
Tumatir guda biyu (idan ana so), Man gyada ko man ja kadan, Magi, Gishiri, Kayan kamshi (Kuri, Tayim da sauran kayan yaji)
Yadda ake hadawa:
Da farko a wanke naman sosai, sannan a dafa shi tare da albasa, gishiri da magi har sai ya yi laushi.
A markada tattasai, attarugu, tumatir da albasa. Bayan haka a dora tukunya a kan wuta, a zuba dan mai, sannan a soya markadadden kayan miya har sai ya soyu.
A zuba ruwan naman da naman cikin kayan miyar, sannan a kara gishiri da kayan kamshi gwargwadon bukata.
A jika garin karkashi da dan ruwa domin ya narke, sannan a zuba shi a cikin miyar ana juyawa a hankali. Idan ana so, a kara garin kuli-kuli domin karin dandano.
A bar miyar ta dahu na mintuna kadan har sai ta yi kauri kuma ta hadu da kyau.
