Dan wasan gaban kungiyar kwallon kafa ta Fc Barcelona Lamine Yamal ya samu rauni a wasan da kungiyar ta doke Celta Vigo da ci 1 mai ban haushi a ranar Laraba, Yamal ne ya jefa kwallo daya tilo da Barcelona ta jefa a wasan.
Sai dai dab ta tafiya hutun rabin lokaci matashin dan wasan ya ji raunin da yasa kocin Barcelona Hansi Flick ya maye gurbinsa da Roony Bardghji, nahiyoyi da dama sun tabbatar da cewar raunin da matashin dan wasan na kasar Spain ya samu ka iya hana shi buga sauran wasanni 5 da suka ragewa Barcelona a gasar Laliga.
Amma kuma tawagar kasar Spain na fatan fan wasan ya murmure kafin a fara gasar kofin Duniya ta FIFA ta bana, wanda za a buga a watan Yuni mai zuwa, Yamal ya jefa kwallaye 16 a gasar Laliga, yayinda kuma ya taimaka aka jefa 11, Barcelona ce ke matsayi na daya a saman teburin gasar Laliga da maki 82 a wasanni 33 da ta buga.
