Yaya Matsayin Tsotson Farjin Mace Yayin Saduwa A Musulunci? (Fatawa)

Assalamu alaikum, Malam na kasance ina tsotsan azzakarin mijina, shi kuma yana wasa da gabana da harshensa kafin mu sadu, ina matsayin haka a addinin musulunci?

To ‘yar’uwa hakan ya halatta, ba matsala a sharian ce, sai dai ya wajaba a tabbatar an tsaftace wurin musamman farjin mata, saboda a bude yake, sannan kuma wuri ne da ake yin haila, ake kuma zuba maniyyi, ga shi kuma yana kusa da wajan yin bahaya, wasu masana likitanci suna ba da shawarar cewa: a dinga wanke wurin da gishiri kafin a tsotsa, saboda neman kariya Allah madaukakin sarki a cikin suratul Bakara aya ta : 223, ya kwatanta mace ga mijinta da gona, wannan sai ya nuna dukkan bangarorin jikinta ya halatta a ji dadi da su, in ban da cikin dubura wacce nassi ya togace.
Domin karin bayani duba: Mawahibul-jalil sharhin Muktasarul Khalil 3/406.
Allah ne mafi sani.

Ina Cikin Idda, Sai Wani Ya Yi Zina Da Ni, Me Ya Kamata Na Yi?

Malam mijina ya sake ni, bayan na yi tsarki daya, sai rikici ya kaure tsakanin arna da musulmai a garinmu, sai wani kirista ya dauke ni ya yi zina da ni, yanzu malam yaya zan yi game da idda ta?

To ‘yar’uwa ina rokon Allah ya kawo wa musulmi dauki a Nijeriya, wannan mas’alar taki malamai sun yi sabani a kanta, akwai malaman da suka tafi akan dole sai kin yi istibra’i bayan kin gama idda, sai dai maganar da tafi zama daidai ita ce: kawai za ki karasa iddarki ne, ba sai kin yi istibra’i ba bayan kin kammala, saboda babbar manufar istibra’i ita ce kubutar mahaifa, hakan kuma zai tabbata idan kika karasa jinane biyun da suka rage miki na iddarki.

Yana daga cikin saukin addinin musulunci kasancewar duk ibadojin da za su iya shiga cikin juna kuma manufarsu daya ce, jinsinsu guda ne, to daya za ta shiga cikin daya, kamar wacce ta yi jima’i sai kuma haila ta zo mata, wanka guda daya ya ishe ta a karshen hailarta.

Domin neman karin bayani duba: Majmu’ul fawa’id na Sa’ady shafi na: 141.
Allah ne mafi sani.