Zanga-zangar Adawa Da Tsadar Rayuwa A Nijeriya Ta Barke A Jihar Edo

Duk harkokin kasuwanci sun tsaya cak na wani dan lokaci a Benin, babban birnin jihar Edo a ranar Litinin bayan wata zanga-zangar da kungiyoyin farar hula ta Edo (EDOCSO) suka gudanar, suna kira ga shugaba Bola Tinubu da ya magance matsalar yunwa a Nijeriya ko kuma ya yi murabus.

Kungiyar wadda ta gudanar da zanga-zangar tun daga titin Ring Road zuwa titin Akpakpava da sauran manyan tituna a tsakiyar birnin, sun buga tamburan kiraye-kiraye daban-daban kamar su “’yan Nijeriya na fama da yunwa”, “Tinubu, ka kawo karshen yunwa da wahala a Nijeriya”, “Tinubu, bari ‘yan Nijeriya su numfasa” da dai sauransu.

In ba a manta ba, a baya kungiyar ta baiwa shugaba Tinubu da mataimakin shugaban kasa, Kashim Shettima wa’adin kwanaki 14 da su yi murabus ko kuma su yi gaggawar gyara tattalin arzikin Nijeriya.

Kungiyar ta yi wannan kiran ne a cikin wata sanarwa mai dauke da sa hannun shugabanta na rikon kwarya, Austine Enabulele, wacce aka rabawa manema labarai a Benin a lokacin zanga-zangar.

Sulaiman

+ postsBio

• Sulaiman

  Sin Ta Ciri Tuta Game Da Rawar Gani Da Take Takawa A Fannin Warware Kalubalen Tsaro A Gabas Ta Tsakiya
• Sulaiman

  Gwamnatin Tarayya Ta Gwangwaje Tawagar Kwallon Kwando Ta Mata Da Dala 100,000 Kowace
• Sulaiman

  Sin Da Amurka Na Gudanar Da Tattaunawa Dangane Da Yiwuwar Rage Harajin Ramuwar Gayya Wanda Darajarsa Ka Iya Kaiwa Dala Biliyan 30
• Sulaiman

  Gwamnatin Tarayya Za Ta Rika Bai Wa Ɗalibai 100MB Na Data Kyauta Kullum