Zazzabin Cizon Sauro: Daliban Kimiyya Na Jami’ar KASU Sun Samar Da Maganin Cizon Sauro

Farfesa Zakari Ladan na Sashen binciken Pure and Applied Chemistry na Jami’ar Jihar Kaduna (KASU) da sauran masu bincike, sun kirkiro wani nau’in maganin cizon sauro.

A wata sanarwa da jami’in hulda da jama’a na KASU, Adamu Bargo, ya fitar a Kaduna ranar Lahadi, ya ce hakan na daga cikin kokarin da ake na kawo karshen annobar zazzabin cizon sauro a Nijeriya.

• NDLEA Ta Cafke Wani Tubabban Dan Ta’adda Da Laifin Safarar Miyagun Kwayoyi

Bargo ya ce samun nasarar binciken ya samo asali ne daga Tallafin Bincike na sama da Naira Miliyan 27, a karkashin Asusun tallafin Bincike na kasa na 2020 (NRF) na Asusun Tallafawa Ilimin Manyan Makarantu (TETFund).

“Wannan yana cikin tallafin NRF/TETFund na farko da KASU ta samu a matsayin cibiya mai karbar bakunci, tare da hadin guiwar Jami’ar Bingham da Jami’ar Fasaha ta Vaal, ta Afirka ta Kudu,” in ji shi.

Bargo ya ce, sauran masu binciken sune; Dokta Bamidele Okoli, masanin kimiyyar sinadarai daga Jami’ar Bingham, Dr Uju Ejike, masanin kimiyyar halittu daga jami’ar Bingham da kuma Dokta Mthunzi Fanyana, masani a fannin fasahar nanotechnology daga Jami’ar Fasaha ta Vaal, Afirka ta Kudu.

Sulaiman

+ postsBio

• Sulaiman

  Sace Ɗalibai: Gwamnatin Oyo Ta Sanya Dokar Hana Fita A Ƙananan Hukumomi 10
• Sulaiman

  Iran Ta Jaddada Cewa Ba Ta Da Wani Shiri Na Bada Damar Binciken Wuraren Nukiliyarta
• Sulaiman

  Ribar Manyan Kamfanonin Sin Ta Karu Da Kashi 18.8% Cikin Watanni Biyar Na Farkon Bana
• Sulaiman

  An Raba Jadawalin Gasar Premier Ta Ingila Ta Kakar Wasan 2026/2027