Allah ya yi wa Malam Abubakar Garba Muhammad, Wazirin Dogaran Zazzau rasuwa da yammacin ranar Litinin.
Wazirin Dogaran Zazzau, ya rasu a asibitin ABUTH da ke Kofan Doka, a Zariya, bayan fama da rashin lafiya.
- Buhari Ya Rantsar Da Ariwoola A Matsayin Alkalin Alkalai Na Kasa
- An Gano Gawar Tsohon Jakadan Nijeriya Da Ya Bace A Amurka
Masarautar Zazzau ce ta sanar da rasuwar Wazirin a shafinta na Facebook da yammacin ranar Litinin.
Kafin rasuwar marigayin, shi ne shugaban Dogaran Fadar Zazzau.
Za a yi jana’izzarsa da misalin karfe 4:30 na yamma, bayan sallar La’asar a kofar Fadar Mai Martaba Sarkin Zazzau, Alhaji Ahmad Nuhu Bamalli.
