Allah Ya Yi Wa Magatakardan Jami’ar Bayero, Jamil Ahmad Salim Rasuwa

Jami’ar Bayero da ke Kano ta sanar da rasuwar magatakardanta, Malam Jamil Ahmad Salim da safiyar yau Laraba.

Tun da farko an wallafa sanarwar ne a shafin Facebook na Jami’ar ta BUK, inda aka sanar da al’ummar Musulmi waje da lokacin da za a yi jana’izar marigayin.

• Mamakon Ruwan Sama Ya Yi Awon Gaba Da Gidaje A Taraba
• ‘Yan Bindiga Sun Sace Mutum 29 A Kauyen Abuja

Sanarwar ta ce za a yi jana’izar mamacin da misalin karfe 10 na safe a babban Masallacin Juma’a da ke sabuwar Jami’ar da ke kan titin zuwa Gwarzo a birnin Kano.

Tuni dai aka yi jana’izar tasa kamar yadda sanarwa ta gabata.

‘Yan uwa da abokan arziki da daliban malamin sun shiga bayyana alhininsu kan rasuwarsa a shafukan sada zumunta.