Gwamnan Jihar Kano, Abba Kabir Yusuf, ya buƙaci mambobin kwamitin yaƙin neman zaɓen APC da su yi aiki tuƙuru domin tabbatar da cewa Kano ta bai wa Shugaba Bola Tinubu ƙuri’u masu yawa a babban zaɓen shekarar 2027.
Gwamnan ya bayyana hakan ne yayin ƙaddamar da kwamitin yaƙin neman zaɓen shugaban ƙasa da na gwamna na jam’iyyar APC a jihar.
Yusuf ya buƙaci mambobin kwamitin su mayar da hankali wajen bayyana nasarorin shugabannin APC maimakon yin zagi ko sukar abokan hamayyarsu.
Ya kuma buƙace su da su ƙara himma wajen wayar da kan masu zaɓe a matakin ƙasa, yana mai cewa Kano na da damar samar wa Tinubu ƙuri’u mafi yawa a faɗin ƙasar.
Gwamnan ya bayyana mambobin kwamitin a matsayin “sojojin APC”, inda ya buƙace su da su yi aiki cikin jajircewa da ladabi domin tabbatar da nasarar jam’iyyar a zaɓen 2027.
