An gudanar da tattaunawar kasa da kasa game da jagorancin Sin da ci gaban duniya a birnin Washington D.C. na Amurka, karkashin jagorancin kafar CMG ta Sin da ofishin jakadancin Sin dake Amurka.
Mahalarta zaman tattaunawar daga bangaren Sin da na Amurka, sun bayyana cikakken zama na biyar na kwamitin tsakiya na 20 na jamiyyar kwaminis ta kasar Sin, a matsayin muhimmin jigo da ya takaice nasarori, da jerin kwarewar da Sin ta samu a fannin cikakku, kuma managartan matakan jagorancin jamiyya tun shiga sabon karni.
Kazalika, zaman ya samar da ingantattun tsare-tsare, don ci gaba da ingiza cikakku kuma managartan matakan aiwatar da jagorancin jamiyya. Hakan ko shakka babu zai yi matukar tasiri ga ci gaban kasar Sin a nan gaba.
Mahalarta taron na fatan cimma fahimtar juna, da shawarwari, da hadin gwiwa tsakanin Sin da Amurka, ta yadda za su hada hannu wajen shawo kan jerin kalubalen duniya, da samar da makoma mai haske ga biladama. Ana sa ran gudanar da jerin tattaunawar a jerin kasashen duniya. (Mai fassara: Saminu Alhassan)
