An Gurfanar Da Matashi A Kotu Sakamakon Lakadawa Dan Sanda Dukan Kawo Wuka

An gurfanar da wani matashi dan shekara 22, Sunday Awominure a gaban wata kotun majistare da ke Ile-Ife a ranar Alhamis bisa zarginsa da dukan wani dan sanda da yake bakin aiki.

Dan sanda mai gabatar da kara, ASP Emmanuel Abdullahi, ya shaida wa kotun cewa wanda ake tuhuma ya aikata laifin ne a ranar 21 ga watan Disamba, 2022, da misalin karfe 1:10 na rana a titin Otutu, Ile-Ife.

• 2023: Zan Dora Daga Inda Na Tsaya Idan Na Zarce – Matawalle
• 2023: Zan Dora Daga Inda Na Tsaya Idan Na Zarce – Matawalle

Abdullahi ya ce wanda ake tuhumar ya yi wa wani Odedoyin Ayobami duka, inda ya raunata shi a goshinsa da hannayensa biyu.

Ya kara da cewa wanda ake tuhumar ya gudanar da kansa ne ta hanyar da ka iya haifar da rudani a yankin Otutu da aka bude wa jama’a a Ile-Ife.

Mai gabatar da kara ya ci gaba da cewa wanda ake tuhuma ya kuma cin zarafin Abah Johnson, dan sanda sanye da kakinsa a aikinsa.

Abdullahi ya ci gaba da cewa wanda ake tuhumar ya mari dan sandan sannan ya sa masa duka, sannan ya cire maballinsa na kakin kakinsa yayin da yake rike da shi sannan kuma ya lalata agogon hannunsa da ya kai N15,000.

Ya bayyana cewa laifin ya ci karo da sashe: 249(d), 355, 356 da 516 na kundin laifuffuka, na Jihae Osun, na 2002.

Wanda ake tuhuma ya ki amsa laifin da ake tuhumarsa da su.

Alkalin kotun mai shari’a A. O. Famuyide ya bayar da belin wanda ake kara a kan kudi N150,000 da za a ajiye a gaban kotu tare da mutum daya wanda zai tsaya masa.

Famuyide ya kara da cewa, wanda zai tsaya masa dole ne ya gabatar da wata takardar shaida da hotunan fasfo uku.

Kotun ta dage sauraren karar har sai ranar 19 ga watan Janairun 2023 domin ci gaba da shari’ar.