Akalla mutane 14 ne rahotanni suka ce sun mutu tare da jikkata wani daya a wani hari da aka kai da daddare a unguwar Gidan Ado da ke karamar hukumar Riyom ta jihar Filato.
Sakataren yada labarai na kungiyar ci gaban al’ummar Irigwe (IDA), Sam Jugo, ya tabbatar wa manema labarai faruwar lamarin.
- Canada Za Ta Caka Wa Kanta Wuka Kan Matakin Da Ta Dauka A Kan Kasar Sin
- Ba Zan Rage Yawan Ministocina Ba — Tinubu
Ya ce sun kai rahoton faruwar lamarin ga rundunar tsaro ta ‘Operation Safe Haven’ da ke aikin tabbatar da zaman lafiya a jihar.
Har yanzu dai, masu magana da yawun rundunar ‘Operation Safe Haven’ da ‘yan sanda, Manjo Samson Zhakom da DSP Alabo Alfred, ba su amsa kiran da aka yi musu ba har zuwa lokacin hada wannan rahoto.
ADVERTISEMENT
