A yau Lahadi ne aka zabi Sam Hou Fai da gagarumin rinjaye a matsayin kantoman yankin musamman na Macao na kasar Sin a karo na shida, daga bisani gwamnatin tsakiya ta jamhuriyar jama’ar kasar Sin za ta nada shi.
Ya lashe zaben ne da kuri’u 394 daga cikin 398 na amintattun kuri’un da aka kada. Shugaban hukumar harkokin zaben kantoman Macao, Song Man Lei ne, ya sanar cewa Sam ya lashe zaben.
ADVERTISEMENT
Bisa dokar zaben kantoman yankin Macao, za a amince da zabe ne idan kashi biyu bisa kashi uku na kwamitin zabe mai wakilai 400 sun hallara don kada kuri’a. Kuma kafin a tabbatar da lashe zabe, dole ne dan takara ya samu goyon baya daga fiye da rabin mambobin kwamitin, wanda ya kai akalla 200. (Yahaya)
