Buhari Ya Taya Amusan Murnar Lashe Zinari A Gasar Tsere Ta Duniya

Shugaban kasa Muhammadu Buhari ya taya Tobi Amusan murnar lashe gasar tseren mita 100 na mata a gasar guje-guje da tsalle-tsalle ta duniya 2022.

Shugaban kasar a wata sanarwa da mai magana da yawunsa Femi Adesina ya fitar a ranar Litinin, ya kuma jinjinawa fitacciyar ‘yar wasan tseren gudun, wacce ta kafa sabon tarihin duniya a matakin wasan kusa da na karshe na gasar wasannin motsa jiki kuma ta zama ‘yar Nijeriya ta farko da ta taba lashe gasar cin zinariyar ta duniyan.

• Zan Baka Amsar Maganarka In Na Mika Muku Mulki A 2023 – Buhari Ga Shettima

Shugaba Buhari ya bi sahun miliyoyin ‘yan Nijeriya wajen taya Amusan murnar wannan nasarar; ‘yar tseren, ta taba lashe gasar tsere ta Afrika sau biyu, wadda a cikin daren jiya ta baiwa duniyar wasanni mamaki da bajintar da ta taka.

Shugaban ya gode mata bisa sake sanya taken kasar Nijeriya sake Bayyana a dandalin kasa da kasa, wanda ya sanya al’ummar kasar Nijeriya cikin nishadi da hawayen murna da nasara.

Sulaiman

+ postsBio

• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana
• Sulaiman

  ‘Yan Bindiga Sun Kashe 2, Sun Yi Garkuwa Da 26 A Kaduna
• Sulaiman

  Binciken CGTN Ya Nuna Gamsuwa Da Yadda Baje Kolin CIFTIS Ke Shaida Karfin Gwiwar Sin A Fannin Kara Fadada Bude Kofa Bisa Babban Matsayi